الرئيسية » أقلام وآراء » احنا بتوع الاتوبيس
احنا بتوع الاتوبيس
احنا بتوع الاتوبيس

احنا بتوع الاتوبيس

بقلم / نهى مجدى
احنا بتوع الاتوبيس جمله سمعناها فى احد الافلام المصريه حينما يصرخ البطل قائلا احنا بتوووووع الاتوبيييييييس ياخونننننننننننناااااااااا واحنا صغيرين مفهمناش كان يقصد ايه بس لما كبرنا فهمنا , فهمنا انه كان يقصد اننا ابسط واغلب واضعف من اننا نكون اصحاب اجندات خارجيه او مجموعات ارهابيه او اننا مثلا نكون شايلين عندنا فى الثلاجه متفجرات خايفين لحسن الحر يسيحها او اننا ربينا اولادنا على انهم لازم يطولوا دقنهم ويلبسوا عبايات قصيره وماسكين فى اديهم سيف واى حاجه متعجبهمش لازم يقتلوا صاحبها ويكفروا اى بنى ادم مش ماشى على هواهم والاخر هنصحى من النوم 🙂 ماهو لازم دا يبقى كابوس طبعا اصلنا مستحيل نكون كدا لاننا اطيب اوى من كدا . ياجدعان دا احنا بيصعب علينا انجلينا جولى لما براد بيت بيزعلها , ونقول اخص عليك يابراد بقى تاخد البت لحم وترميها عضم. دا احنا بنعيط لما البطل يموت اخر المسلسل ونقول يارب يبقى له جزء تانى علشان البطل يعيش وياسلام بقى لو سمعنا عن عيل تايه نفضل نصلى وندعيله ونتابع اخباره , وصدقونى عمرنا ماسئلنا العيل دا مسلم ولا مسيحى ولا عمرنا قولنا دا مسلسل يعنى تمثيل ملوش لازمه نوجع قلبنا على الفاضى .
اصل اللى قلبه طيب زينا هتلاقى الابتسامه طالعه من قلبه والدمعه بتقطع فى قلبه مش هقعد اقول الجيش والشعب ايد واحده ولا هقول يحي الهلال مع الصليب اصلها جمل اتقالت كتير ومن كتر مااتقالت للاسف مبقيناش نحسها !!! بس هقول احنا العيون الطيبه والابتسامه الصادقه واللمسه الحنينه والحضن الدافى عايز تصدق كلامى , جرب تمشى فى الشارع فى رمضان ساعه مغربيه وصدقنى لو ملقتش كل البيوت مفتوحه لك وبتتحايل عليك تفطر عندها قول ياسيدى انى ببالغ ولو ملقتش الرجاله بنتجرى وراك فى الشارع وتقولك طيب خد حتى شويه عصير ابقى قول انى بحبهم وحبهم عمانى اصل اللى بيحب بيحس بحبيبه واحنا مهما كان بينا خلاف بردو بنحب بعض وبردو هنخاف على بعض وبردو هيتقطع قلبنا على بعض وانا عن نفسى هسمح لحد يغمى عيونى عن الحقيقه اصلى مفتحه اوى  ^_^

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *