الأحد , 31 أغسطس 2014
اخبار عاجلة
الرئيسية » اخبار » وزير المالية تطبيق الحد الادنى للاجور يناير 2014 وشرح جدول الأجور

وزير المالية تطبيق الحد الادنى للاجور يناير 2014 وشرح جدول الأجور

اعلن اليوم السيد احمد جلال وزير المالية كافة تفاصيل تطبيق الحد الادنى للاجور فى مصر 1200 جنية فى يناير 2014 وتم شرح جدول يوضح كم سيتقاضى كل موظف فى الدول ، هذا وقد أعلن سيادته ان تطبيق الحد الادنى للاجور فى مصر كلف ميزانية الدولة ما يقرب من 9 مليارات جنية فى السنة وقد تم مخاطبة كافة الجهات الحكومية بإرسال اعداد واسماء الموظفين اللذين استفادوا من تطبيق علاوة الحد الادنى للأجور والدرجة الوظيفية واجمالى الزيادة فى كامل الجهة ، واوضح ان الحد الادنى بالاضافة الى العلاوة سيكون شامل ليتم بعده إلغاء الحوافز والكادر وكافة الزيادات والبدلات والمكافآت ، وسيكون اجمالى مرتب الموظف الذى تم تعيينه على الدرجة السادسة 1200 جنية حيث سيزيد مرتبه ما يقرب من 470 جنية ، وستقل هذه العلاوة تدريجيا كلما زادت الدرجة الوظيفية لتقلل الفروق بين العاملين بالدولة ، فستكون العلاوة كالتالى الدرجة السادسة والخامسة 470 جنية ، الدرجة الرابعة 450 جنية ، الدرجة الثالثة 400 جنية ، والدرجة الثانية 350 جنية بينما الدرجة الاول ستحصل على قيمة علاوة 300 والمدير العام 200 جنية اما الدرجة العالية والممتازة ستحصل على علاوة 150 جنيها ، وبذلك سيصح مرتب الموظف الدرجة السادسة 1200 جنية ، موظف الدرجة الخامسة 1215 ، موظف الدرجة الرابعة 1222 ، موظف الدرجة الثالثة 1308 بينما موظف الدرجة الثانية 1705 وموظف الدرجة الاولى 2035 ، وموظف الدرجة العليا 2391 ، موظف الدرجة العليا 2569 جنية ، اما الدرجة الممتازة 3740 واليكم جدول يوضح تفاصيل تطبيق الحد الادنى للاجور على حسب الدرجات وقيمة العلاوة .

جدول الحد الادنى للاجور

جدول الحد الادنى للاجور وقيمة العلاوة

34 تعليقات

  1. لو لو سالنا اهل العلم عن الجدول ده هايقولوا لو انقلب هايكون افضل وده عدل السماء اللي انتم مش شيفنها
    لانه بالشكل ده مفهش عدل

  2. طيب انا على الدرحه الثانيه ولى عشرون عام خدمه مرتبى الف وسبعمائه+350 اللى فى الجدول يعنى راتبى سيصبح 2050-والنبى حد يرد عليا

  3. انا مش فاهم حاجه

  4. ايه الفايده من تطبيق هذا طول ما فيه موظفين بعقود ليس لهم صله باى درجه ماليه ما هى الفايده لهم

  5. الحمدلله على كل شئ

  6. طيب علشان بس نكون فاهمين الكلام صح و ميجيش حد من عباقره التربيه و التعليم و يضم مكافأه الإمتحانات للمدرسين على انها علاوه زياده و يضمها للمرتب الشهرى و يقول إن المدرسين حصلوا على الحد الأدنى للأجر بتقسيم المكافأه على شهور السنه أحب أفكره و أكد عليه إن المكافأه فعلا محسوبه ضمن المرتب الشهرى و علشان كده المدرسين مأخدوش 200 % زى موظفى الدوله بل أخدوا نسب مختلفه ( 75% مثلا للدرجه الثانيه ) علشان يكملوا ال 200% بعد إضافه مكافأه الإمتحانات بمعنى إن المدرس بياخد دلوقتى زى موظف الدوله و يستحق الزياده المرتقبه

    • محمد موظف غلبان

      حرام والله فليذهب الحد الادنى للاجور الى الجحيم هذا الحد لانريد فليسقط الحد الادنى كيف وانا اتقاضى 3150جنية بعد 40 عام قضيتها فى التربية والتعليم وياتى اخر تعيين منذ سنة ويتساوى معى حد يفهمنى هذا النظام السيئ وبذلك بالقياس على جدول الادنى بتعاكم مرتبى ينزل 1000 جنية طب الزاى فين الزياده ياحضرات اسف ياوزير المالية انا مش مستريحلك انا ستزيدنا فقرا بعد مانعانية من زيادة اسعار وعيشة دنك وعايشين تيجى تنزل الف جنية وتبوظ كل تخطيط لمعيشتنا رسمناه لانفسنا وراضيين بالعيشة واللى عايشنها منك لله حسبنا الله ونعم الوكيل فى كل من شارك فى وضع جدو ل الادنى الادنى وهو فعلا الحد الذى سيوصلنا لادنى من خط الفقر

  7. ياوزير الماليه اين المعاشات من هذه الزيادات

  8. عبدالمنصف حجاب 0 الثانوية الفنية للتعليم المزدوج …..
    ليه تقرب المسافات في الأجور بين الدرجات 0 لو طبقنا الحد الأقصي للدخل كل البلد هتعيش وتبقي الدنيا حلوة&

  9. والله معك حق

  10. طب بالنسبة لقطاع الاعمال العام اية الوضع بالنسبة لية مع ا لعلم ان احنا شغالين اساسى وحافز وعلاوات ممكن توضيح

  11. أين سنوات العذاب والفقر والخبره يعني إللي ليه 20و 30سنه في الوظيفة ومرتبه 1500 جنية والدررجة الثانيه يبقي 1700 واللي ليه سنه موظف يوصل 1200 فعلا هي دى العداله بتاعت مصر حسبي الله ونعمى الوكيل هتفضل دولة الظلم وهتفضل الثورة إلي أن ربنا يرزقنا بناس تتقي الله فينا وتخاف الله قبل أن تخاف البشر مكتوب علينا يحكمونا دائما الفشله

  12. سيتم تطبيق الحد على قطاع الاعمال العام هو الشركه ايه ممكن اعرف

  13. عصام كمال

    ياريت يطبق الحد الادنى للاجور 1200جنية للتعيين الجديد ويبقى فية زيادة لكل موظف 50 جنية عن كل سنة خبره بمعنى الى خبرتة عشر سنوات يزيد 500 جنية لصبح 1700 جنيه ولى خبرته عشرين سنه يزيد 1000 جنيه لصبح 2200 جنية . حتى يشعر الكل بعدم الظلم بتطبيق الحد الادنى بسنوات الخبرة وليشعر كل موظف بالفرق بين موظف خبرتة عشر سنوات واخر حديث التعيين

  14. الحمد لله على ذلك ربنا يديمها نعمه ويحفظها من الزوال الله يكون فى عون من ليس له اى دخل

  15. ربنا يديمها نعمه ويحفظها من الزوال الله يكونفى عون معدومى الدخل

  16. احنا هنقول حسبى الله و نعمه الوكيل علشان احنا اتظلمنا من ايام توت عنخ امون و مزال مسلسل الظلم مستمر

  17. دلوقتى كيلو الطماطم ب10 جنيه امال الاخ اللى بياخد 35 ضعف الحد الادنى طيب الجدول موضح انوا موظف الدرجه الاولى 3740 جنيه ده ع اساس اعلى وظيفه فى الدوله اما الاخ اللى بياخد 35 ضف الحد الادنى هو فين لو حسبناها ع اساس الحد الادنى 1200 جنيه يبقى هنضرب فى 35 ضعف الحد الادنى بيعنى هيتقاضى 42 الف جنيه هو ده ع اى وظيفه بالظبط من الاخر لازم يكون فى عدل ع الاقل و محدش يحاول يضحك ع الشعب المظلوب من ايام تحتمس الاول

  18. هذا ليس جدول انما خداع كبير اين بداية المربوط ونهاية المربوط بمعنى مثلا اللى فى الدرجة السادسة فى بداية المربوط زى اللى فى نهاية السادسة ان طبق هكذا فستكون فى خلل كبير فى الجهاز الحكومى بلا استثناء

  19. هو ده المصري متفهمش منه اي حاجه ولافي اي عدل هما بيضحكو علينا وهي حاجه كده علي ما قسمحد واسكت احسن مفيش حد فهم حاجه

  20. ياريت اعرف المرتب الجديد انا حطلع علي المعاش في 2015حاخد معاشي علي الاساسي ال انا عليه وهو 800

  21. 1.فية درجة تخصصية ودرجة فنية والمكتبية ودرجة عمالية .2.كل درجة لها مربوط . 3.التخصصية تبدا بالدرجة الثالثة والفنية والمكتبية تبدا بالرابعة والعمالية تبدابالسادسة .4. الثالثة التخصصية تبداب2000 جنية وتنتهى عند 3000جنية والدرجةالثانية التخصصية ب 3000جنية وتنتهى عند3500جنية والدرجة التخصصيةالاولى تبدا ب3500 جنية وتنتهى عند 4000جنية والدرجة الممتازة والمدير العام تبدا ب4000جنية وتنتهى عند4500 ووكيل ووكيل اول الوزارة تبدا ب4500جنية وتنتهى عند5000 جنية . 5. الدرجة الرابعة الفنية والمكتبية تبدا ب 1350جنية وتنتهى عند1700جنية والثالثة الفنية والمكتبية تبدا ب1700جنية وتنتهى عند 1950جنية والثانية الفنية والمكتبية تبدا ب 1950جنية وتنتهى عند 2200جنية الاولى تبدا ب2200جنية تنتهى عند2450جنية واذا كان فية كبير فنيين يبدا ب2450جنيةوكل سنة يخدمها قبل الطلوع على المعاش يذيد70جنية . 6. اما الدرجة العمالية التى تبدابالدرجة السادسة 1200 جنية وتنتهى عند1350جنية وكل درجة بعد ذلك تذيد100جنية …..

  22. على فكره الكلام ده بيضحكوا علينا بيه احنا عاوزين الحد الاقصى

  23. ام محمود

    انا عاوزه اعرف انا على الدرجه الرابعه مرتبى هيكون 1222 ولا دا قبل الخصم

  24. يعنى انا كنت فى اجازه بدون مرتب للعمل بالكويت وانا تعيين 1979 واخذت اجازه 15 عام وكنت بدفع معاشات وبدخل عمله صعبه للبلد ولسه على الدرجه الثانيه ومرنبى اكبر من بتوع الدرجه الاولى يبقى مرنبى حينزل وانا على ابواب الدرجه الاولى فهمونا ياناس

  25. السلام عليكم ورحمه الله وبركاته
    انا راتبى699 على الدرجه الثالثه والحد الادنى بيقول ان الراتب الدرجه الثالثه هيكون 1308 ازاى والزياده 400 للدرجه الثالثه يعنى الزياده مش400لا هتكون 600 انا مش فاهمه حاجه ربنا يسهل ويصدقو فى كلامهم
    والسلام عليكم ورحمه الله وبركاته.

    • لازم هيكون فى تفاوت بين المصالح الحكومية مش كله زى بعضه يعنى المالية مش زى وزارة الصحة

  26. انت بتكلم مين .. هو فى حد بيفهم ولا بيسأل فى المدرسين ؟

  27. نحن من موظفى شركة ضمن قطاع الاعمال العام تابعة للشركة القابضة لللإستثمار نعانى من سوء الادارات بالشركة حيث اننا نعمل بمرتب اساسى وعلاوة وحافز ولم يتم تطبيق نسبة الحافز المقررة للعاملين بالدولةوهى 200%ولكن اكتفت ادارة الشركة بزيادة للعاملين بمقدار 150جنيها تقريبا وغير ذلك لم يتم حتى الان صرف مكافآت مناقشة الميزانية لعام 2011-2012 المقررة من الشركة القابضة للعاملين بالشركة التى نحن بها مع العلم بأن معظم الشركات المماثلة والتابعة لنفس الشركة القابضة قد تم صرفها بالكامل وكذلك تم الصرف لهم من مكافأة ميزانية2012-2013 فهل نحن من ضمن العاملين بالشركة أم نحن ماذا وهل سيتم تطبيق الحد الادنى على جميع الشركات التى نحن منها ام نحن تابعين لصيفة حلمى كما يقال لنا فأنا مثلا أعمل بالشركة منذ عام 2001 فكم يكون مرتبى بعد 12 عام عمل بالشركة لو تم تطبيق الحد الادنى مع العلم بأننى على الدرجة الثالثة التخصصية فهل من مجيب

  28. واضح من خلال جدول اللوغريتمات الخاص بتطبيق الحد الادنى للاجور انه اغفل سنوات العمل التى تصل لاكثر من عشر سنوات فى ذات الدرجة فهناك من يعمل بالدرجة الرابعة مثلا منذ اقل من سنة واخر يعمل بذات الدرجة منذ اكثر من عشر سنوات وكل هذه الحالات متكرره بكل الدرجات وكلما زاد السن زادت الاعباء لم يخبرنا هذا الجدول عن الحد الادنى لبداية الدرجة ومن يعمل عليها منذ عدة سنوات——-نرجو توضيحا لفك الغاز هذا الجدول العجيب

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>